Sura Al-Waqi'a kwa Kiswahili: tafsiri, Kiarabu na sauti

1

إِذَا وَقَعَتِ ٱلْوَاقِعَةُ

Litakapo tukia hilo Tukio . ^[1]

Maelezo ya chini

[1] Kitakapo tukia Kiyama

Kiungo 56:1

2

لَيْسَ لِوَقْعَتِهَا كَاذِبَةٌ

Hapana cha kukanusha kutukia kwake. ^[2]

Maelezo ya chini

[2] Haitotokea nafsi yoyote ya kukadhibisha.

Kiungo 56:2

3

خَافِضَةٌۭ رَّافِعَةٌ

Literemshalo linyanyualo! ^[3]

Maelezo ya chini

[3] Kiyama hicho kitawateremsha chini walio waovu, na kitawanyanyua juu walio wema.

Kiungo 56:3

4

إِذَا رُجَّتِ ٱلْأَرْضُ رَجًّۭا

Itakapo tikiswa ardhi kwa mtikiso! ^[4]

Maelezo ya chini

[4] Ardhi itakapo tikiswa, na ikatetemeshwa kwa nguvu.

Kiungo 56:4

5

وَبُسَّتِ ٱلْجِبَالُ بَسًّۭا

Na milima itapo sagwasagwa! ^[5]

Maelezo ya chini

[5] Na milima ikavurugwa teketeke,

Kiungo 56:5

6

فَكَانَتْ هَبَآءًۭ مُّنۢبَثًّۭا

Iwe mavumbi yanayo peperushwa! ^[6]

Maelezo ya chini

[6] Ikawa vumbi la kupeperushwa, Aya hizi tukufu zinaeleza hadi gani vitakuwa vitisho vitavyo uteremkia ulimwengu kitapo fika Kiyama. Na katika vitisho hivyo ni hayo masaibu ya dunia yatakayo athiri ardhi na mat'abaka yake. Kwani hii ardhi tunayo ishi juu ya mgongo wake si yenye kutulia na kukaa sawa kwa utimilivu. Kwani hiyo imeundwa kwa mat'abaka ya majabali yaliyo ingiliana ovyo. Huenda baadhi yao yakateremka yakaachana na mengineyo yaliyo jirani nayo. Na huwa hiyo inayo itwa kupasuka kwa mat'abaka ya ardhi, Geological cleavage kama inavyo tokea katika maeneo kadhaa wa kadhaa. Mpasuko huu ulikuwa na ungali kuwa ndio asili ya chini kabisa ya zilzala, mitetemeko, mikubwa kwa kuathirika na nguvu za kudidimiza na kuvuta zinazo fuatana na mat'abaka ya ardhi yanapo vunjika. Basi mizani ya utulivu ya nguvu hizi inapo geuka kwa kuathirika na mambo mengineyo ya nje huenda zikafunguka nguvu za mtikiso mkubwa ndio ikatokea mitetemeko na mitikisiko ya ardhi, ambayo hubomoa kila kitu kiliopo juu ya ardhi karibu na ilipo anzia hiyo zilzala. Na hapo tena hutokea uharibifu mkubwa mno. Na hayo maelezo ya kisayansi hayageuzi kitu, wala hayako mbali na nadhari ya kidini. Kwani hakika Mwenyezi Mungu Mtukufu huenda akajaalia sababu za maumbile za kawaida zikajumuika kwa njia tusiyo izoea sisi ili zikiingiliana kwa njia ya kutisha ndio sababu ya kuharibika dunia. Hapo maelezo ya kisayansi yanafuatana na Aya zenye kuonya kwa vitisho hivyo vikuu. Na yote hayo yanatokana kwa Mwenyezi Mungu. Na hutokea kwa idhini yake Mwenyezi Mungu kutimiza hukumu yake katika dunia yetu.

Kiungo 56:6

7

وَكُنتُمْ أَزْوَٰجًۭا ثَلَـٰثَةًۭ

Na nyinyi mtakuwa namna tatu: . ^[7]

Maelezo ya chini

[7] Na mkawa nyote siku hiyo namna tatu kwa mujibu wa vitendo vyenu;

Kiungo 56:7

8

فَأَصْحَـٰبُ ٱلْمَيْمَنَةِ مَآ أَصْحَـٰبُ ٱلْمَيْمَنَةِ

Basi watakuwepo wa kuliani; je, ni wepi wa kuliani? ^[8]

Maelezo ya chini

[8] Basi watu wa mkono wa kulia, watu wa cheo kilio bora, utukufu ulioje huo wa hali yao!

Kiungo 56:8

9

وَأَصْحَـٰبُ ٱلْمَشْـَٔمَةِ مَآ أَصْحَـٰبُ ٱلْمَشْـَٔمَةِ

Na wa kushotoni; je, ni wepi wa kushotoni? ^[9]

Maelezo ya chini

[9] Na watu wa kushotoni, hao ni watu wa cheo duni, uovu ulioje wa hali yao!

Kiungo 56:9

10

وَٱلسَّـٰبِقُونَ ٱلسَّـٰبِقُونَ

Na wa mbele watakuwa mbele. ^[10]

Maelezo ya chini

[10] Na walio tangulia mbele katika mambo ya kheri duniani ndio watakuwa mbele katika vyeo vya Akhera.

Kiungo 56:10

11

أُو۟لَـٰٓئِكَ ٱلْمُقَرَّبُونَ

Hao ndio watakao karibishwa ^[11]

Maelezo ya chini

[11] Hao ndio walio karibishwa mbele kwa Mwenyezi Mungu. Mola wao Mlezi atawatia katika Bustani zenye neema.

Kiungo 56:11

12

فِى جَنَّـٰتِ ٱلنَّعِيمِ

Katika Bustani zenye neema. ^[12]

Maelezo ya chini

[12] Mola wao Mlezi atawatia katika Bustani zenye neema.

Kiungo 56:12

13

ثُلَّةٌۭ مِّنَ ٱلْأَوَّلِينَ

Fungu kubwa katika wa mwanzo, ^[13]

Maelezo ya chini

[13] Hawa walio karibishwa mbele ni kundi la wengi katika mataifa yaliyo tangulia na Manabii wao,

Kiungo 56:13

14

وَقَلِيلٌۭ مِّنَ ٱلْـَٔاخِرِينَ

Na wachache katika wa mwisho. ^[14]

Maelezo ya chini

[14] Na wachache katika umma wa Muhammad ukiwalinganisha na hao.

Kiungo 56:14

15

عَلَىٰ سُرُرٍۢ مَّوْضُونَةٍۢ

Watakuwa juu ya viti vya fakhari vilivyo tonewa. ^[15]

Maelezo ya chini

[15] Juu ya viti au vitanda vilivyo nakishiwa kwa nakshi za vito vya thamani,

Kiungo 56:15

16

مُّتَّكِـِٔينَ عَلَيْهَا مُتَقَـٰبِلِينَ

Wakiviegemea wakielekeana. ^[16]

Maelezo ya chini

[16] wakivitegemea kwa raha na utulivu huku wakielekezana nyuso kwa ziada ya mahaba.

Kiungo 56:16

17

يَطُوفُ عَلَيْهِمْ وِلْدَٰنٌۭ مُّخَلَّدُونَ

Wakitumikiwa na wavulana wa ujana wa milele, ^[17]

Maelezo ya chini

[17] Wakiwazungukia kwa kuwakhudumia vijana watakao baki milele hivyo hivyo,

Kiungo 56:17

18

بِأَكْوَابٍۢ وَأَبَارِيقَ وَكَأْسٍۢ مِّن مَّعِينٍۢ

Kwa vikombe na mabirika na bilauri za vinywaji kutoka chemchem safi. ^[18]

Maelezo ya chini

[18] Nao wamechukua vikombe na mabirika yaliyo jaa vinywaji vya Peponi, na bilauri zenye mvinyo kutoka chemchem zinazo miminika,

Kiungo 56:18

19

لَّا يُصَدَّعُونَ عَنْهَا وَلَا يُنزِفُونَ

Hawataumwa kichwa kwa vinywaji hivyo wala hawatoleweshwa. ^[19]

Maelezo ya chini

[19] Vinywaji hivyo haviwaletei kuumwa kichwa wala kutokwa akili kwa ulevi.

Kiungo 56:19

20

وَفَـٰكِهَةٍۢ مِّمَّا يَتَخَيَّرُونَ

Na matunda wayapendayo, ^[20]

Maelezo ya chini

[20] Na matunda ya kila namna wanayo yapenda na wanayo yaona;

Kiungo 56:20

21

وَلَحْمِ طَيْرٍۢ مِّمَّا يَشْتَهُونَ

Na nyama za ndege kama wanavyo tamani. ^[21]

Maelezo ya chini

[21] Na nyama za ndege kama zinavyo tamani nafsi zao.

Kiungo 56:21

22

وَحُورٌ عِينٌۭ

Na Mahurulaini, ^[22]

Maelezo ya chini

[22] Na wanawake wenye macho ya vikombe,

Kiungo 56:22

23

كَأَمْثَـٰلِ ٱللُّؤْلُؤِ ٱلْمَكْنُونِ

Walio kama mfano wa lulu zilio hifadhiwa. ^[23]

Maelezo ya chini

[23] Kama mfano wa lulu zilio hifadhiwa katika chaza, kwa usafi wao na urembo wao.

Kiungo 56:23

24

جَزَآءًۢ بِمَا كَانُوا۟ يَعْمَلُونَ

Ni malipo kwa waliyo kuwa wakiyatenda. ^[24]

Maelezo ya chini

[24] Watapewa haya kuwa ni malipo kwa mambo mema waliyo kuwa wakiyatenda duniani.

Kiungo 56:24

25

لَا يَسْمَعُونَ فِيهَا لَغْوًۭا وَلَا تَأْثِيمًا

Humo hawatasikia porojo wala maneno ya dhambi, ^[25]

Maelezo ya chini

[25] Huko Peponi hawatasikia maneno yasiyo kuwa na maana, wala masimulizi ya kumtia dhambini mwenye kuyasikia.

Kiungo 56:25

26

إِلَّا قِيلًۭا سَلَـٰمًۭا سَلَـٰمًۭا

Isipo kuwa maneno ya Salama, Salama. ^[26]

Maelezo ya chini

[26] Ila watalo sikia ni kauli ya wao kwa wao: Tunakusalimuni kwa Salama.

Kiungo 56:26

27

وَأَصْحَـٰبُ ٱلْيَمِينِ مَآ أَصْحَـٰبُ ٱلْيَمِينِ

Na wale wa mkono wa kulia, ni yepi yatakuwa ya wa kuliani? ^[27]

Maelezo ya chini

[27] Na watu wa mkono wa kulia, hapana ajuaye nini malipo ya watu wa kuliani.

Kiungo 56:27

28

فِى سِدْرٍۢ مَّخْضُودٍۢ

Katika mikunazi isiyo na miba, ^[28]

Maelezo ya chini

[28] Katika miti ya mikunazi iliyo katwa miba yake,

Kiungo 56:28

29

وَطَلْحٍۢ مَّنضُودٍۢ

Na migomba iliyo pangiliwa, ^[29]

Maelezo ya chini

[29] Na migomba iliyo pangika na ndizi zake zimepandana juu ya mikungu,

Kiungo 56:29

30

وَظِلٍّۢ مَّمْدُودٍۢ

Na kivuli kilicho tanda, ^[30]

Maelezo ya chini

[30] Na kivuli kilicho enea wala hakiondoki,

Kiungo 56:30

31

وَمَآءٍۢ مَّسْكُوبٍۢ

Na maji yanayo miminika, ^[31]

Maelezo ya chini

[31] Na maji yanayo miminika karibu yao popote wayatakapo,

Kiungo 56:31

32

وَفَـٰكِهَةٍۢ كَثِيرَةٍۢ

Na matunda mengi, ^[32]

Maelezo ya chini

[32] Na matunda ya namna nyingi na kabila nyingi yasiyo tindikia wakati wowote,

Kiungo 56:32

33

لَّا مَقْطُوعَةٍۢ وَلَا مَمْنُوعَةٍۢ

Hayatindikii wala hayakatazwi, ^[33]

Maelezo ya chini

[33] Wala hazuiwiliwi ayatakayo,

Kiungo 56:33

34

وَفُرُشٍۢ مَّرْفُوعَةٍ

Na matandiko yaliyo nyanyuliwa. ^[34]

Maelezo ya chini

[34] Na matandiko yaliyo nyanyuliwa ya starehe.

Kiungo 56:34

35

إِنَّآ أَنشَأْنَـٰهُنَّ إِنشَآءًۭ

Hakika Sisi tutawaumba (Mahurulaini) upya, ^[35]

Maelezo ya chini

[35] Hakika Sisi tulianza kuwaumba Mahurulaini mwanzo,

Kiungo 56:35

36

فَجَعَلْنَـٰهُنَّ أَبْكَارًا

Na tutawafanya vijana, ^[36]

Maelezo ya chini

[36] Na tukawafanya kuwa ni vijana,

Kiungo 56:36

37

عُرُبًا أَتْرَابًۭا

Wanapendana na waume zao, hirimu moja. ^[37]

Maelezo ya chini

[37] Wenye kupendwa na waume zao, wenye umri ulio karibiana,

Kiungo 56:37

38

لِّأَصْحَـٰبِ ٱلْيَمِينِ

Kwa ajili ya watu wa kuliani. ^[38]

Maelezo ya chini

[38] Wa tayari kwa neema ya watu wa kuliani.

Kiungo 56:38

39

ثُلَّةٌۭ مِّنَ ٱلْأَوَّلِينَ

Fungu kubwa katika wa mwanzo, ^[39]

Maelezo ya chini

[39] Watu wa kulia ni wengi katika mataifu yaliyo kwisha tangulia,

Kiungo 56:39

40

وَثُلَّةٌۭ مِّنَ ٱلْـَٔاخِرِينَ

Na fungu kubwa katika wa mwisho. ^[40]

Maelezo ya chini

[40] Na kikundi kikubwa katika umma wa Muhammad.

Kiungo 56:40

41

وَأَصْحَـٰبُ ٱلشِّمَالِ مَآ أَصْحَـٰبُ ٱلشِّمَالِ

Na watu wa kushotoni; je ni yepi ya wa kushotoni? ^[41]

Maelezo ya chini

[41] Na watu wa kushoto, hapana anaye jua nini adhabu ya watu wa kushoto.

Kiungo 56:41

42

فِى سَمُومٍۢ وَحَمِيمٍۢ

Katika upepo wa moto, na maji yanayo chemka, ^[42]

Maelezo ya chini

[42] Watakuwa kwenye upepo umoto utakao wazunguka, unao penya katika tundu za mwili, na maji yaliyo chemshwa motoni wayanywe na wamiminiwe vichwani,

Kiungo 56:42

43

وَظِلٍّۢ مِّن يَحْمُومٍۢ

Na kivuli cha moshi mweusi, ^[43]

Maelezo ya chini

[43] Na katika kivuli cha kiza cheusi cha moshi umoto,

Kiungo 56:43

44

لَّا بَارِدٍۢ وَلَا كَرِيمٍ

Si cha kuburudisha wala kustarehesha. ^[44]

Maelezo ya chini

[44] Hapana ubaridi wa kupunguza joto la hewa, wala huruma ya kuwaletea nafuu wanapo vuta pumzi.

Kiungo 56:44

45

إِنَّهُمْ كَانُوا۟ قَبْلَ ذَٰلِكَ مُتْرَفِينَ

Hakika hao walikuwa kabla ya haya wakiishi maisha ya anasa. ^[45]

Maelezo ya chini

[45] Hakika hao kabla ya haya walikuwa wamepita kiasi katika kustarehea neema za duniani, wamepumbaa hawataki kumt'ii Mwenyezi Mungu Mtukufu.

Kiungo 56:45

46

وَكَانُوا۟ يُصِرُّونَ عَلَى ٱلْحِنثِ ٱلْعَظِيمِ

Na walikuwa wakishikilia kufanya madhambi makubwa, ^[46]

Maelezo ya chini

[46] Na walikuwa wameshikilia daima kufanya dhambi kubwa kabisa, kwani waliapa kwa Mwenyezi Mungu kwamba kabisa Mwenyezi Mungu hatamfufua aliye kufa.

Kiungo 56:46

47

وَكَانُوا۟ يَقُولُونَ أَئِذَا مِتْنَا وَكُنَّا تُرَابًۭا وَعِظَـٰمًا أَءِنَّا لَمَبْعُوثُونَ

Na walikuwa wakisema: Tutakapo kufa na tukawa udongo na mafupa, ati ndio tutafufuliwa? ^[47]

Maelezo ya chini

[47] Na walikuwa wakisema kwa kukanusha kurejea tena: Ati tutafufuliwa baada ya kwisha kufa, na baadhi ya miili yetu ikisha kuwa udongo na mengine mifupa iliyo chakaa? Ati sisi tutarudishwa tuwe hai mara ya pili?

Kiungo 56:47

48

أَوَءَابَآؤُنَا ٱلْأَوَّلُونَ

Au baba zetu wa zamani? ^[48]

Maelezo ya chini

[48] Ati tutafufuliwa sisi na baba zetu wa zamani walio kwisha kuwa udongo ulio tapanyika na umepotea katika ardhi?

Kiungo 56:48

49

قُلْ إِنَّ ٱلْأَوَّلِينَ وَٱلْـَٔاخِرِينَ

Sema: Hakika wa zamani na wa mwisho ^[49]

Maelezo ya chini

[49] Waambie kwa kuwajibu kukanusha kwao: Hakika wa zamani na wa mwisho, ambao nyinyi ni katika jumla ya hao,

Kiungo 56:49

50

لَمَجْمُوعُونَ إِلَىٰ مِيقَـٰتِ يَوْمٍۢ مَّعْلُومٍۢ

Bila ya shaka watakusanywa kwa wakati wa siku maalumu. ^[50]

Maelezo ya chini

[50] Nyote mtakusanywa katika wakati wa siku malumu, na wala hamtoipita.

Kiungo 56:50

51

ثُمَّ إِنَّكُمْ أَيُّهَا ٱلضَّآلُّونَ ٱلْمُكَذِّبُونَ

Kisha nyinyi, mlio potea, mnao kanusha, ^[51]

Maelezo ya chini

[51] Kisha nyinyi, enyi mnao ipinga Njia ya Uwongofu, mnao kanusha kufufuliwa,

Kiungo 56:51

52

لَـَٔاكِلُونَ مِن شَجَرٍۢ مِّن زَقُّومٍۢ

Kwa yakini mtakula mti wa Zaqqumu. ^[52]

Maelezo ya chini

[52] Bila ya shaka mtakula mti wa Zaqqumu katika Jahannamu, na mtayajaza matumbo yenu kwa shida ya njaa.

Kiungo 56:52

53

فَمَالِـُٔونَ مِنْهَا ٱلْبُطُونَ

Na kwa mti huo mtajaza matumbo. ^[53]

Maelezo ya chini

[53] Na mtayajaza matumbo yenu kwa shida ya njaa.

Kiungo 56:53

54

فَشَـٰرِبُونَ عَلَيْهِ مِنَ ٱلْحَمِيمِ

Na juu yake mtakunywa maji yanayo chemka. ^[54]

Maelezo ya chini

[54] Mtakunywa juu ya mlicho kila maji yenye kutokota, yasiyo ondoa kiu,

Kiungo 56:54

55

فَشَـٰرِبُونَ شُرْبَ ٱلْهِيمِ

Tena mtakunywa kama wanavyo kunywa ngamia wenye kiu. ^[55]

Maelezo ya chini

[55] Na mtakunywa kwa wingi na pupa kama anavyo kunywa ngamia mwenye kiu kisicho katika kiu chake kwa maji.

Kiungo 56:55

56

هَـٰذَا نُزُلُهُمْ يَوْمَ ٱلدِّينِ

Hiyo ndiyo karamu yao Siku ya Malipo. ^[56]

Maelezo ya chini

[56] Hayo yaliyo tajwa ya mateso mbali mbali ndio karamu yao waliyo andaliwa kwa siku ya malipo.

Kiungo 56:56

57

نَحْنُ خَلَقْنَـٰكُمْ فَلَوْلَا تُصَدِّقُونَ

Sisi tumekuumbeni; basi hamsadiki? ^[57]

Maelezo ya chini

[57] Sisi tulianza kukuumbeni mlipo kuwa si chochote, basi hebu hamkiri uweza wetu wa kukurejesheni tena baada ya kukufufueni?

Kiungo 56:57

58

أَفَرَءَيْتُم مَّا تُمْنُونَ

Je! Mnaiona mbegu ya uzazi mnayo idondokeza? ^[58]

Maelezo ya chini

[58] Hamuangalii manii mnayo itia katika tumbo la uzazi?

Kiungo 56:58

59

ءَأَنتُمْ تَخْلُقُونَهُۥٓ أَمْ نَحْنُ ٱلْخَـٰلِقُونَ

Je! Mnaiumba nyinyi, au ni Sisi ndio Waumbaji? ^[59]

Maelezo ya chini

[59] Ni nyinyi ndio mwenye uweza juu yake na kuilea mpaka ikawa mtu, au ni Sisi ndio twenye makadara hayo?

Kiungo 56:59

60

نَحْنُ قَدَّرْنَا بَيْنَكُمُ ٱلْمَوْتَ وَمَا نَحْنُ بِمَسْبُوقِينَ

Sisi tumekuwekeeni mauti; na wala Sisi hatushindwi ^[60]

Maelezo ya chini

[60] Sisi tumekuhukumieni mauti, na tumeweka wakati makhsuri wa kufa kwenu. Na wala Sisi si wenye kushindwa kukubadilisheni sura zenu,

Kiungo 56:60

61

عَلَىٰٓ أَن نُّبَدِّلَ أَمْثَـٰلَكُمْ وَنُنشِئَكُمْ فِى مَا لَا تَعْلَمُونَ

Kuwaleta wengine badala yenu na kukuumbeni nyinyi kwa umbo msilo lijua. ^[61]

Maelezo ya chini

[61] Na wala Sisi si wenye kushindwa kukubadilisheni sura zenu, na kuzileta nyengine, na tukakuumbeni katika umbo jengine na sura nyengine msiyo ijua.

Kiungo 56:61

62

وَلَقَدْ عَلِمْتُمُ ٱلنَّشْأَةَ ٱلْأُولَىٰ فَلَوْلَا تَذَكَّرُونَ

Na bila ya shaka mlikwisha jua umbo la kwanza, basi kwa nini hamkumbuki? ^[62]

Maelezo ya chini

[62] Bila ya shaka mmekwisha yakinika kuwa Mwenyezi Mungu alikuumbeni mara ya kwanza, basi je, hamkumbuki kwamba Mwenye kuweza hayo ni Mweza zaidi wa kufanya tena.

Kiungo 56:62

63

أَفَرَءَيْتُم مَّا تَحْرُثُونَ

Je! Mnaona makulima mnayo yapanda? ^[63]

Maelezo ya chini

[63] Je! Hamuangalii mbegu mnayo ipanda katika ardhi?

Kiungo 56:63

64

ءَأَنتُمْ تَزْرَعُونَهُۥٓ أَمْ نَحْنُ ٱلزَّٰرِعُونَ

Je! Ni nyinyi mnayo yaotesha au ni Sisi ndio wenye kuotesha? ^[64]

Maelezo ya chini

[64] Ni nyinyi mnao ifanya imee au ni Sisi peke yetu ndio tunaifanya imee?

Kiungo 56:64

65

لَوْ نَشَآءُ لَجَعَلْنَـٰهُ حُطَـٰمًۭا فَظَلْتُمْ تَفَكَّهُونَ

Tungeli taka tungeli yafanya yakawa mapepe, mkabaki mnastaajabu, ^[65]

Maelezo ya chini

[65] Tungeli taka tungeli ifanya mimea hiyo iwe mabua na mapepe yaliyo katika katika kabla haijapevuka, mkawa mkistaajabu tu kwa uovu ulio isibu,

Kiungo 56:65

66

إِنَّا لَمُغْرَمُونَ

Mkisema: Hakika sisi tumegharimika; ^[66]

Maelezo ya chini

[66] Huku mkisema: Hakika sisi tumepata khasara baada ya juhudi yetu.

Kiungo 56:66

67

بَلْ نَحْنُ مَحْرُومُونَ

Bali sisi tumenyimwa. ^[67]

Maelezo ya chini

[67] Bali sisi hatuna bahati, tumenyimwa riziki.

Kiungo 56:67

68

أَفَرَءَيْتُمُ ٱلْمَآءَ ٱلَّذِى تَشْرَبُونَ

Je! Mnayaona maji mnayo yanywa? ^[68]

Maelezo ya chini

[68] Je! Hamyaoni maji matamu mnayo yanywa?

Kiungo 56:68

69

ءَأَنتُمْ أَنزَلْتُمُوهُ مِنَ ٱلْمُزْنِ أَمْ نَحْنُ ٱلْمُنزِلُونَ

Je! Ni nyinyi mnayo yateremsha kutoka mawinguni au ni Sisi ndio wenye kuyateremsha? ^[69]

Maelezo ya chini

[69] Ni nyinyi mnayo yateremsha kutoka mawinguni, au ni Sisi ndio Wenye kuyateremsha kuwa ni rehema juu yenu? Katika Kiarabu limetajwa neno Almuzni. Maana yake ni mawingu yanayo leta mvua. Na kitendo cha kunyesha mvua kinahitajia mambo yaliyo khusiana na hali ya hewa maalumu ambayo mwanaadamu hana mamlaka nayo, au kuyaleta kwa juhudi zake. Kwa mfano zinahitajiwa pepo zinazo kwenda kwa mkondo zilizo baridi juu ya nyengine zilizo za joto, au hali za kuondoka utulivu katika anga. Na watu wamejaribu kuinyesha mvua kwa mawingu yanayo pita kwa njia ya ufundi, lakini juhudi hizo mpaka sasa ni majaribio, na lilio thibiti katika sayansi ni kufuzu kwa majaribio hayo ni kudogo mno, na hata hivyo kunalazimu ziwepo hali maalumu za maumbile zinazo saidia.

Kiungo 56:69

70

لَوْ نَشَآءُ جَعَلْنَـٰهُ أُجَاجًۭا فَلَوْلَا تَشْكُرُونَ

Tungeli penda tungeli yafanya ya chumvi. Basi mbona hamshukuru? ^[70]

Maelezo ya chini

[70] Lau tungeli taka tungeli yafanya hayo maji yakawa ya chumvi yasiyo nyweka. Basi mbona hamumshukuru Mwenyezi Mungu aliye yajaalia matamu yenye kunyweka?

Kiungo 56:70

71

أَفَرَءَيْتُمُ ٱلنَّارَ ٱلَّتِى تُورُونَ

Je! Mnauona moto mnao uwasha? ^[71]

Maelezo ya chini

[71] Je! Hamuuoni moto huo mnao uasha?

Kiungo 56:71

72

ءَأَنتُمْ أَنشَأْتُمْ شَجَرَتَهَآ أَمْ نَحْنُ ٱلْمُنشِـُٔونَ

Ni nyinyi mlio uumba mti wake au Sisi ndio Waumbaji? ^[72]

Maelezo ya chini

[72] Ni nyinyi ndio mlio uotesha mti wake, na mkautia ndani ya huo mti moto, au ni Sisi ndio tulio uumbia hivyo, kadhaalika?

Kiungo 56:72

73

نَحْنُ جَعَلْنَـٰهَا تَذْكِرَةًۭ وَمَتَـٰعًۭا لِّلْمُقْوِينَ

Sisi tumeufanya uwe ni ukumbusho na manufaa kwa walioko nyikani. ^[73]

Maelezo ya chini

[73] Sisi tumeufanya huu moto uwe ni ukumbusho wa Moto wa Jahannamu mtapo uona, na uwe ni manufaa kwa wasafiri wa msitu na nyika, wakinafiika kwa kupikia chakula chao na kuotea moto wakati wa baridi.

Kiungo 56:73

74

فَسَبِّحْ بِٱسْمِ رَبِّكَ ٱلْعَظِيمِ

Basi litakase jina la Mola wako Mlezi aliye Mkuu. ^[74]

Maelezo ya chini

[74] Basi dumisha kusabihi, kutakasa, kwa kulidhukuru jina la Mola wako Mlezi aliye Mkubwa, kwa kumtakasa na kumshukuru kwa neema hizi nzuri.

Kiungo 56:74

75

۞ فَلَآ أُقْسِمُ بِمَوَٰقِعِ ٱلنُّجُومِ

Basi naapa kwa maanguko ya nyota, ^[75]

Maelezo ya chini

[75] Basi ninaapa kweli kwa maangukio ya nyota pale zinapo tua mwisho wa usiku wakati wa Tahajudi, ibada za usiku, na kustaghafiru.

Kiungo 56:75

76

وَإِنَّهُۥ لَقَسَمٌۭ لَّوْ تَعْلَمُونَ عَظِيمٌ

Na hakika bila ya shaka hichi ni kiapo kikubwa, laiti mngeli jua! ^[76]

Maelezo ya chini

[76] Na hakika bila ya shaka hicho ni kiapo kikubwa chenye maana ya kufikia mbali, lau kuwa mnafikiri makusudio yake. Aya mbili hizi zinabainisha hadi ya umuhimu wa kiapo hichi kikubwa. Kwani nyota ni vitu vyenye kutoa mwangaza wenyewe, na nyota ya karibu mno kwetu sisi, nayo ni jua, ni kiasi ya masafa ya miaka 500 ya mwangaza. Na nyota ifuatayo kwa ukaribu iko mbali nasi kwa kiasi cha miaka 4 ya mwangaza takriban. Basi nguvu tunazo zitumia kutokana na jua ndizo zinazo tuwezesha kuishi. Lau kuwa umbali wa jua kutokana na ardhi ni duni ya hivyo au zaidi ya hivyo basi hapana shaka kuwa maisha yangeli kuwa taabu, bali ni muhali. Kadhaalika ukubwa wa nyota unakhitalifiana. Zipo nyota kubwa mno hata ukubwa wake unaweza kukusanya hii ardhi na jua juu ya umbali wao. Vipo vikundi vya nyota vinavyo itwa A'naqiid vinaogelea angani zikivuka Njia ya Maziwa The Milky Way mara kwa mara. Wakati wa kupita kwake zikasadifiana kukutana na kikundi cha jua na zikagongana basi hakika hapo itakuwa ndio maangamizo na kumalizika kwa kweli. Hata ikikaribia nyota moja katika nyota zitokazo kwenye jua basi hayo pia yataleta kuharibika mizani na kupelekea maangamizo na kumalizika ulimwengu. Kwa hivyo basi hakika Ishara za mazingatio na uweza wa Mwenyezi Mungu zinaonekana katika ulimwengu huu alio uumba Mwenyezi Mungu Subhanahu wa Taala na akaupanga.

Kiungo 56:76

77

إِنَّهُۥ لَقُرْءَانٌۭ كَرِيمٌۭ

Hakika hii bila ya shaka ni Qur'ani Tukufu, ^[77]

Maelezo ya chini

[77] Hakika hii bila ya shaka ni Qur'ani yenye manufaa mengi,

Kiungo 56:77

78

فِى كِتَـٰبٍۢ مَّكْنُونٍۢ

Katika Kitabu kilicho hifadhiwa. ^[78]

Maelezo ya chini

[78] Imo katika ubao ulio hifadhiwa Al-lauhu-lmahfudh, usio karibiwa na yeyote ila Malaika walio karibishwa kwa Mwenyezi Mungu. (Kwa watumiaji Computer wanaweza kukisia kuwa hiyo Al-lauhu-lmahfudh ni kama Disk iliyomo ndani ya Computer na haigusi mtu, na Misahafu tunayo iona, na kuisoma, ni kama yapigwayo chapa kutoka hiyo Disk.)

Kiungo 56:78

79

لَّا يَمَسُّهُۥٓ إِلَّا ٱلْمُطَهَّرُونَ

Hapana akigusaye ila walio takaswa. ^[79]

Maelezo ya chini

[79] Hawaigusi Qur'ani Tukufu ila walio t'ahirika na najisi na hadathi, vitengua udhu;

Kiungo 56:79

80

تَنزِيلٌۭ مِّن رَّبِّ ٱلْعَـٰلَمِينَ

Ni uteremsho unao toka kwa Mola Mlezi wa walimwengu wote. ^[80]

Maelezo ya chini

[80] imeteremshwa kutoka kwa Mwenyezi Mungu Mola Mlezi wa viumbe vyote.

Kiungo 56:80

81

أَفَبِهَـٰذَا ٱلْحَدِيثِ أَنتُم مُّدْهِنُونَ

Ni maneno haya ndiyo nyinyi mnayapuuza? ^[81]

Maelezo ya chini

[81] Je! Mnapuuza? Ni Qur'ani hii tukufu ndio nyinyi mnaidharau?

Kiungo 56:81

82

وَتَجْعَلُونَ رِزْقَكُمْ أَنَّكُمْ تُكَذِّبُونَ

Na badala ya kushukuru kwa riziki yenu mnafanya kuwa mnakadhibisha? ^[82]

Maelezo ya chini

[82] Na badala ya kuishukuru riziki yenu ndio mna ikadhibisha?

Kiungo 56:82

83

فَلَوْلَآ إِذَا بَلَغَتِ ٱلْحُلْقُومَ

Yawaje basi itakapo fika roho kwenye koo, ^[83]

Maelezo ya chini

[83] Basi je! Ikifika roho ya mmoja wenu kwenye mapitio ya pumzi,

Kiungo 56:83

84

وَأَنتُمْ حِينَئِذٍۢ تَنظُرُونَ

Na nyinyi wakati huo mnatazama! ^[84]

Maelezo ya chini

[84] Na nyinyi inapo fika roho kwenye koo nanyi mnamwangalia huyo anaye kufa,

Kiungo 56:84

85

وَنَحْنُ أَقْرَبُ إِلَيْهِ مِنكُمْ وَلَـٰكِن لَّا تُبْصِرُونَ

Na Sisi tuko karibu zaidi naye kuliko nyinyi. ^[85]

Maelezo ya chini

[85] Na Sisi tuko karibu zaidi kwa huyo aliye kabiliwa na mauti na tunaijua zaidi hali yake kuliko nyinyi, lakini nyinyi hamjui hayo wala hamhisi.

Kiungo 56:85

86

فَلَوْلَآ إِن كُنتُمْ غَيْرَ مَدِينِينَ

Na lau kuwa nyinyi hamumo katika mamlaka yangu, ^[86]

Maelezo ya chini

[86] Basi je! Ikiwa nyinyi si wenye kunyenyekea kwa Ungu wetu,

Kiungo 56:86

87

تَرْجِعُونَهَآ إِن كُنتُمْ صَـٰدِقِينَ

Kwanini hamuirudishi hiyo roho, ikiwa nyinyi mnasema kweli? ^[87]

Maelezo ya chini

[87] Mrudishieni roho yake huyo aliye kabiliwa na mauti ikiwa nyinyi mwasema kweli kwamba nyinyi mnazo nguvu na hamshindwi.

Kiungo 56:87

88

فَأَمَّآ إِن كَانَ مِنَ ٱلْمُقَرَّبِينَ

Basi akiwa miongoni mwa walio karibishwa, ^[88]

Maelezo ya chini

[88] Ama akiwa huyo aliye kabiliwa na mauti ni katika walio tangulia walio karibishwa ,

Kiungo 56:88

89

فَرَوْحٌۭ وَرَيْحَانٌۭ وَجَنَّتُ نَعِيمٍۢ

Basi ni raha, na manukato, na Bustani zenye neema. ^[89]

Maelezo ya chini

[89] Basi mwisho wake ni raha, na rehema, na riziki njema, na Pepo yenye neema.

Kiungo 56:89

90

وَأَمَّآ إِن كَانَ مِنْ أَصْحَـٰبِ ٱلْيَمِينِ

Na akiwa katika watu wa upande wa kulia, ^[90]

Maelezo ya chini

[90] Ama akiwa katika watu wa mkono wa kulia,

Kiungo 56:90

91

فَسَلَـٰمٌۭ لَّكَ مِنْ أَصْحَـٰبِ ٱلْيَمِينِ

Basi ni Salamu kwako uliye miongoni mwa watu wa upande wa kulia. ^[91]

Maelezo ya chini

[91] Basi ataambiwa kwa maamkio na takrima: Unapewa salamu kutokana na watu wa kuliani.

Kiungo 56:91

92

وَأَمَّآ إِن كَانَ مِنَ ٱلْمُكَذِّبِينَ ٱلضَّآلِّينَ

Na ama akiwa katika walio kadhibisha wapotovu, ^[92]

Maelezo ya chini

[92] Na ama akiwa ni katika wa kushoto, wanao kanusha, walio wapotovu,

Kiungo 56:92

93

فَنُزُلٌۭ مِّنْ حَمِيمٍۢ

Basi karamu yake ni maji yanayo chemka, ^[93]

Maelezo ya chini

[93] Basi atakirimiwa maji ya moto hadi ya kuchemka,

Kiungo 56:93

94

وَتَصْلِيَةُ جَحِيمٍ

Na kutiwa Motoni. ^[94]

Maelezo ya chini

[94] Na kubabuliwa na moto wa mwisho wa ukali.

Kiungo 56:94

95

إِنَّ هَـٰذَا لَهُوَ حَقُّ ٱلْيَقِينِ

Hakika hii ndiyo haki yenye yakini. ^[95]

Maelezo ya chini

[95] Hakika haya yaliyo tajwa katika Sura hii tukufu bila ya shaka ni kiini cha yakini iliyo thibiti, isiyo ingiliwa na shaka.

Kiungo 56:95

96

فَسَبِّحْ بِٱسْمِ رَبِّكَ ٱلْعَظِيمِ

Basi litakase jina la Mola wako Mlezi aliye Mkubwa. ^[96]

Maelezo ya chini

[96] Tanguliza tasbihi kwa kumdhukuru Mola wako Mlezi aliye Mkubwa, kwa kumtakasa na kumshukuru kwa neema zake.

Kiungo 56:96

Sura Al-Waqi'a (Tukio)