Sura ya 86 kati ya 114 · Makkiya
Sura At-Tariq (Nyota ya Usiku)
سُورَةُ الطَّارِقِ
Tafsiri ya maana: Ali Mohsin Al-Barwani, QuranEnc.com, toleo 1.0.1. Tafsiri huwasilisha maana za Qur'ani. Qur'ani yenyewe ni maandishi ya Kiarabu.
بِسْمِ ٱللَّهِ ٱلرَّحْمَٰنِ ٱلرَّحِيمِ
1
وَٱلسَّمَآءِ وَٱلطَّارِقِ
Naapa kwa mbingu na Kinacho kuja usiku! [1]
Maelezo ya chini
[1] Naapa kwa mbingu na nyota inayo tokeza usiku!
Kiungo
86:1
2
وَمَآ أَدْرَىٰكَ مَا ٱلطَّارِقُ
Na nini kitakacho kujuulisha ni nini hicho Kinacho kuja usiku? [2]
Maelezo ya chini
[2] Na kitu gani kitakujuvya ukweli wa nyota hii? Ni hiyo inayotoa mwanga wake katika giza.
Kiungo
86:2
3
ٱلنَّجْمُ ٱلثَّاقِبُ
Ni Nyota yenye mwanga mkali. [3]
Maelezo ya chini
[3] Na kitu gani kitakujuvya ukweli wa nyota hii? Ni hiyo inayotoa mwanga wake katika giza.
Kiungo
86:3
4
إِن كُلُّ نَفْسٍۢ لَّمَّا عَلَيْهَا حَافِظٌۭ
Hapana nafsi ila inayo mwangalizi. [4]
Maelezo ya chini
[4] Hapana nafsi ila inayo mlinzi wa kuiangalia na kudhibiti vitendo vyake.
Kiungo
86:4
5
فَلْيَنظُرِ ٱلْإِنسَـٰنُ مِمَّ خُلِقَ
Hebu naajitazame mwanaadamu ameumbwa kwa kitu gani? [5]
Maelezo ya chini
[5] Basi naafikiri mtu, yeye kaumbwa kutokana na nini?
Kiungo
86:5
6
خُلِقَ مِن مَّآءٍۢ دَافِقٍۢ
Ameumbwa kwa maji yatokayo kwa kuchupa! [6]
Maelezo ya chini
[6] Ameumbwa mtu kutokana na maji yanayo toka kwa nguvu.
Kiungo
86:6
7
يَخْرُجُ مِنۢ بَيْنِ ٱلصُّلْبِ وَٱلتَّرَآئِبِ
Yatokayo baina ya mifupa ya mgongo na mbavu. [7]
Maelezo ya chini
[7] Maji haya yanatoka baina ya uti wa mgongo na mbavu za mwanamume na mwanamke. S'ULB ni sehemu za uti wa mgongo; na TARAAIB ni mafupa ya vifua, yaani mbavu. Masomo ya watoto wanapo kuwa ndani ya matumbo ya mama zao (Embryology). yamedhihirisha kuwa viini vya vyombo vya uzazi na mkojo katika mtoto ndani ya tumbo la mama yake vinadhihiri baina ya khalaya (cells) za mishipa itakayo kuwa mafupa ya uti wa mgongo, na baina ya khalaya zitakazo kuwa mafupa ya kifua. Mafigo hubakia pahala pake, na kokwa huteremka kwenye pahala pake pa kawaida katika pumbu wakati wa kuzaliwa. Na juu ya kuteremka kokwa chini mishipa inayo inywesha damu maisha yake yote inatokana na mishipa ya mafigo. Hali kadhaalika mishipa ya Navo inayo peleka kuhisi na ikasaidia kuzalisha vitu vya uhai na yaliyo khusiana na hayo kama maji yanayo toka kwenye mshipa wa kifua wa kumi unao tokana na ubongo wa uti wa mgongo kwenye kipingili cha kumi na kumi na moja. Yaliyo wazi kutokana na hayo ni kwamba vyombo vya uzazi na vinavyo lisha vyombo hivyo, na vyombo vya damu, vipo katika kiwiliwili baina ya uti wa mgongo na mbavu.
Kiungo
86:7
8
إِنَّهُۥ عَلَىٰ رَجْعِهِۦ لَقَادِرٌۭ
Hakika Yeye ana uweza wa kumrudisha. [8]
Maelezo ya chini
[8] Hakika Mwenyezi Mungu aliye muumba hivi hapo mwanzo, bila ya shaka ni Muweza wa kumuumba tena baada ya kufa kwake.
Kiungo
86:8
9
يَوْمَ تُبْلَى ٱلسَّرَآئِرُ
Siku zitakapo dhihirishwa siri. [9]
Maelezo ya chini
[9] Siku dhamiri zitapo fanyiwa mtihani, na zitengwe mbali mbali baina ya ziliyo kuwa nzuri na ziliyo kuwa mbovu.
Kiungo
86:9
10
فَمَا لَهُۥ مِن قُوَّةٍۢ وَلَا نَاصِرٍۢ
Basi hatakuwa na nguvu wala msaidizi. [10]
Maelezo ya chini
[10] Basi hapana mtu wakati huo ataye kuwa na nguvu ya kujikinga nafsi yake, wala hatakuwa na msaidizi wa kumnusuru.
Kiungo
86:10
11
وَٱلسَّمَآءِ ذَاتِ ٱلرَّجْعِ
Naapa kwa mbingu yenye marejeo! [11]
Maelezo ya chini
[11] Naapa kwa mbingu yenye mvua inayo rejea na kuja mara kwa mara!
Kiungo
86:11
12
وَٱلْأَرْضِ ذَاتِ ٱلصَّدْعِ
Na kwa ardhi inayo pasuka! [12]
Maelezo ya chini
[12] Na ardhi inayo pasuka kwa kuchipuka mimea!
Kiungo
86:12
13
إِنَّهُۥ لَقَوْلٌۭ فَصْلٌۭ
Hakika hii ni kauli ya kupambanua. [13]
Maelezo ya chini
[13] Hakika hii Qur'ani ni yenye kupambanua baina ya kweli na uwongo.
Kiungo
86:13
14
وَمَا هُوَ بِٱلْهَزْلِ
Wala si mzaha. [14]
Maelezo ya chini
[14] Wala haina nuksani yoyote ya mchezo au maskhara.
Kiungo
86:14
15
إِنَّهُمْ يَكِيدُونَ كَيْدًۭا
Hakika wao wanapanga mpango. [15]
Maelezo ya chini
[15] Hakika hao wanao ikadhibisha Qur'ani wanaipangia njama kutaka kuiharibia, njama zenye kufikia ukomo!
Kiungo
86:15
16
وَأَكِيدُ كَيْدًۭا
Na Mimi napanga mpango. [16]
Maelezo ya chini
[16] Lakini Mimi nitawalipa, na nitavipambanisha hivyo vitimbi vyao kwa vitimbi madhubuti ambavyo hawataweza kujikinga navyo.
Kiungo
86:16
17
فَمَهِّلِ ٱلْكَـٰفِرِينَ أَمْهِلْهُمْ رُوَيْدًۢا
Basi wape muhula makafiri - wape muhula pole pole. [17]
Maelezo ya chini
[17] Basi wangojee hao makafiri! Wape muhula wa karibu mpaka nikuamrishe amri gani kali ya kuwatendea.
Kiungo
86:17