سورت ۹۶ له ۱۱۴ · مکي
سورة العلق
سُورَةُ العَلَقِ
۱۹ آیتونه
د معناوو ژباړه: Rowwad Translation Center، QuranEnc.com، نسخه 1.0.1. ژباړه د قرآن معناوې بیانوي. قرآن پخپله عربي متن دی.
بِسْمِ ٱللَّهِ ٱلرَّحْمَٰنِ ٱلرَّحِيمِ
۱
ٱقْرَأْ بِٱسْمِ رَبِّكَ ٱلَّذِى خَلَقَ
ولوله د خپل هغه پالونکي پر نوم چې پيدا يې کړ.
۲
خَلَقَ ٱلْإِنسَـٰنَ مِنْ عَلَقٍ
انسان يې د وينې له ټوټې پيداکړ.
۳
ٱقْرَأْ وَرَبُّكَ ٱلْأَكْرَمُ
ولوله! او ستا پالونکی ډېر مهربانه دی.
۴
ٱلَّذِى عَلَّمَ بِٱلْقَلَمِ
هغه چې پر قلم يې ښوونه ورکړه.
۵
عَلَّمَ ٱلْإِنسَـٰنَ مَا لَمْ يَعْلَمْ
انسان يې پر هغه څه پوه کړ چې نه پرې پوهېدلو.
۶
كَلَّآ إِنَّ ٱلْإِنسَـٰنَ لَيَطْغَىٰٓ
نه داسې نه ده، انسان هرومرو سرکښي کوي.
۷
أَن رَّءَاهُ ٱسْتَغْنَىٰٓ
کله چې ځان مالدار وویني.
۸
إِنَّ إِلَىٰ رَبِّكَ ٱلرُّجْعَىٰٓ
بېشکه ستا د پالونکي لوري ته ورګرځېدل دي.
۹
أَرَءَيْتَ ٱلَّذِى يَنْهَىٰ
آيا هغه څوک دې ليدلی چې ايساروي.
۱۰
عَبْدًا إِذَا صَلَّىٰٓ
بنده لره کله لمونځ کوي.
۱۱
أَرَءَيْتَ إِن كَانَ عَلَى ٱلْهُدَىٰٓ
آيا ته يې وينې که هغه پر سمه لار وي.
۱۲
أَوْ أَمَرَ بِٱلتَّقْوَىٰٓ
آو يا پر ځان ساتنه (تقوا) امر کوي.
۱۳
أَرَءَيْتَ إِن كَذَّبَ وَتَوَلَّىٰٓ
آيا پام دې دی که هغه سړی درواغ ګني يا مخ اړوي.
۱۴
أَلَمْ يَعْلَم بِأَنَّ ٱللَّهَ يَرَىٰ
آيا هغه نه پوهيږي چې الله هرڅه ويني.
۱۵
كَلَّا لَئِن لَّمْ يَنتَهِ لَنَسْفَعًۢا بِٱلنَّاصِيَةِ
هيڅکله نه، داسې نه ده، که هغه ترې ايسار نه شو، موږ به يې هرومرو د تندي له وېښتانو را ونيسو.
۱۶
نَاصِيَةٍۢ كَـٰذِبَةٍ خَاطِئَةٍۢ
له درواغجن خطا کار تندي څخه.
۱۷
فَلْيَدْعُ نَادِيَهُۥ
بيا دې خپل مجلسي ياران راوبولي.
۱۸
سَنَدْعُ ٱلزَّبَانِيَةَ
زر ده چې موږ به هم د عذاب پرېښتې را وغواړو.
۱۹
كَلَّا لَا تُطِعْهُ وَٱسْجُدْ وَٱقْتَرِب ۩
نه؛ داسې نه ده د هغه خبره مه منه، (اوخپل الله ته) سجده کوه، ور نېږدې شه.
هره ورځ د Niyat په اپلیکیشن کې قرآن ولولئ او واورئ؛ د لمانځه وختونه، د قبلې لوری او ستاسو د لوستلو ځای خوندي پاتې کېږي.
Niyat وړیا ترلاسه کړئ